BARULUM vel BAROLUM, BARETUM Straboni

BARULUM, vel BAROLUM, BARETUM Straboni

hodie Barletta, ut nonnullis videtur; nobile olim, frequens ac opulentum oppid. Apuliae Peucetiae, 4. milliar. ab ostiis Aufidi fluv. a Bario, 30. mill. pass. in occidentem. Sipontum versus totidem, Cannis urbi excisae proximum ad 6. mill. pass. In huius medio foro statua ex aere armati Regis 10. pedum altitud. conspicitur, quam incolae Imperatoris Heraclii esse dicunt. Aliquando a Gallis obsessum tantâ fame laboravit, ut milites detractas scutis pelles aquis emollitas absumerent, herbisque (quascumque reperirent) vescerentur. longitud. 40. 35. latitud. 41. 20. Oppid. est agri Bariani, etc. nunc deficit indies. Baudrand.